BB

** ગુજરાત મેઇલ," દૈનિક, (એડિટ પેજ)

દુનિયા મેં કિતના ગમ હે, તેરા ગમ કિતના કમ હે….  *********

જીવન એ એક એવા સફરનું નામ છે જ્યાં ખુશીઓ અને ગમ બંને હાથમાં હાથ ધરીને ચાલે છે. દરેક માણસ પોતાની અંદરની લડાઈ લડી રહ્યો છે, પોતાની વ્યથા ભરી કહાણી જીવ્યો રહ્યો છે. આપણને ઘણી વાર એવું લાગે છે કે આપણું દુઃખ સૌથી મોટું છે, આપણો ગમ અનોખો છે — પણ જ્યારે આસપાસ નજર ફેરવીએ ત્યારે સમજાય છે કે દુનિયામાં દુઃખોની સંખ્યા અનંત છે, અને આપણું દુઃખ કદાચ એ સમુદ્રમાં એક ટીપું જ છે.

આ ગીતની પંક્તિ "દુનિયા મેં કિતના ગમ હે, તેરા ગમ કિતના કમ હે" આપણને એક અત્યંત ઊંડી સમજ આપીને જાય છે. આપણે જ્યારે પ્રેમમાં દુઃખી થાઈએ, ગુમાવેલા સંબંધો માટે રડીયે, ત્યારે લાગે છે કે સમગ્ર દુનિયા તૂટી પડી છે. પણ સત્ય એ છે કે આપણા આસપાસના ઘણા લોકો આપણા કરતાં પણ વધુ મોટા ગમો સાથે સંઘર્ષ કરી રહ્યા છે. કોઈ માતા પોતાના બાળક ગુમાવીને બેસી છે, કોઈયે ઘર ખોયું છે, તો કોઈને જીવન જીવવા માટે બે ટાણાની રોટલી નથી મળેતી.

આ પંક્તિ આપણને ક્ષિતિજ વધારો છે — આપણા દુઃખથી બહાર નીકળી, બીજાના દુઃખને પણ જોવાનું શીખવે છે. જ્યારે આપણે બીજાની પીડાને સમજીએ, ત્યારે આપણું દુઃખ કદાચ ઓછું લાગવા લાગે. સાથે સાથે એ પણ સમજ થાય કે આપણા દુઃખોનું નિવારણ આપણા અંદર જ છે — દુઃખને વહન કરવાની ક્ષમતા વધારવી એ જ એકમાત્ર રસ્તો છે.

જીવનમાં મુશ્કેલીઓ તો આવશે જ, સંબંધોમાં વળાંક આવશે જ, પણ જો આપણે દરેક તકલીફને એક શીખ તરીકે જોઈશું, તો કદાચ આગળ વધી શકીશું. પ્રેમમાં થયેલા દુઃખ આપણા દિલને નરમ બનાવે છે, બીજાના દુઃખ માટે સંવેદના જગાવે છે, અને આપણને માનવતાના માર્ગે લઈ જાય છે.

આખરે, પ્રેમ કે કોઈપણ સંબંધમાં થયેલા ગમને પણ જીવનનો એક ભાગ માનવો પડશે. કારણ કે દરેક અનુભૂતિ, સારી કે ખરાબ, આપણને વધુ પરિપક્વ અને સમજદાર બનાવે છે.       *****************************************કે, ડી, સેદાણી, આકાશ, શાલીગ્રામ પ્રાઈમ, સાઉથ બોપલ, અમદાવાદ 58 ,,,,d,t,   may 2025