**  સત્ય વિચાર, દૈનિક  **                                     વિશ્વાસનો  દીપક: નિષ્ફળતા પછીના સફળતાના પગલા *************

જીવન એ માત્ર એક પરીક્ષા નહીં, પણ અનેક પરીક્ષાઓની સફર છે. બોર્ડની પરીક્ષામાં મળેલા ઓછા ગુણો અથવા નિષ્ફળતા એ અંત નથી, પરંતુ નવી શરૂઆતનો સંકેત છે.

દરેક સફળ વ્યક્તિએ ક્યારેક નિષ્ફળતા અનુભવેલી હોય છે. એ.પી.જે.અબ્દુલ કલામ સાહેબ પહેલા પાઇલટ બનવા નિષ્ફળ ગયા હતા, તો પણ ભારતના મહાન વૈજ્ઞાનિક અને રાષ્ટ્રપતિ બન્યા. અમિતાભ બચ્ચનને શરૂમાં ઘણી નોકરીઓમાંથી નિષ્ફળતાનો સામનો કરવો પડ્યો, પણ આજે દુનિયા તેમને ઓળખે છે. આપણું જીવન પણ આવી જ તકોથી ભરેલું છે.

ઓછા માર્કસ કે નિષ્ફળતા પર ફોકસ કરવાની જગ્યાએ આપણે આગળ શું કરી શકીએ એ વિચારવું મહત્વનું છે:

1. આપણા જ સ્વરૂપને સ્વીકારો: તમે કોણ છો, તમારી સારી બાબતો શું છે એનો વિશ્લેષણ કરો. દરેકમાં કંઈક ખાસ હોય છે.


2. નિષ્ફળતા માંથી શીખો: ઓછા માર્કસનું કારણ સમજો. શૈલી બદલવી છે? વધુ મહેનત જરૂર છે? અભ્યાસની પદ્ધતિ બદલવાની જરૂર છે? શીખો અને આગળ વધો.


3. તમારો આત્મવિશ્વાસ બાંધો: તમારું મૂલ્ય માર્ક્સથી માપી શકાય નહીં. તમારો અભ્યાસ સિવાયનો ગૂણ પણ મહત્વનો છે — કમ્યુનિકેશન, ક્રિએટિવિટી, લીડરશીપ, રમતમાં કે સંગીતમાં ઝુકાવ — આ બધું મહત્વનું છે.


4. પરિવાર અને મિત્રોની મદદ લો: તમારી લાગણીઓ સાથે તેમને શેર કરો. તેઓ તમારા સૌથી મોટા સપોર્ટર છે.


5. નવા ટાર્ગેટ રાખો: આગળનું લક્ષ્ય નક્કી કરો — બીજી પરીક્ષા, નવો અભ્યાસ ક્ષેત્ર કે નવી સ્કિલ્સ શીખવી — અને મન મૂકીને મહેનત શરૂ કરો. 

યાદ રાખો, સૂરજ પણ અંધકાર પછી જ ઊગે છે. જીવનમાં તમે કેટલીવાર પડ્યા એ નહિ, પરંતુ કેટલી વાર ઊભા રહ્યા એ મહત્વનું છે. તમે મહાનતાના માર્ગ પર છો — આજે નહીં તો કાલે તમારો સમય જરૂર આવશે.                               ***********************************         કે, ડી, સેદાણી, આકાશ, શાલીગ્રામ પ્રાઈમ, સાઉથ બોપલ, અમદાવાદ 58 d,t,  7    may 2025